မြကျွန်းသာမိုးကုတ်ရိပ်သာ၌ ဒါနစခန်းဖွင့်လှစ်

0

မြကျွန်းသာမိုးကုတ်ရိပ်သာတွင်း အဆောက်အဦးများ အပေါ်စီးမှမြင်ရပုံ

 

ဆောက်လုပ်ဆဲ သုံးထပ်ယောဂီကျောင်းဆောင်ကြီး

 

ပေါ်ဆုံးထပ် ကွန်ကရစ်လောင်းရန် ပြင်ဆင်နေပုံ

မြကျွန်းသာမိုးကုတ်ရိပ်သာကို ရွှေအင်ပင်ဆရာတော် ဒေါက်တာအရှင်ပါရမီ ပဓာနနာယကအဖြစ်ဖြင့် ဦးဆောင်လျက် (၂၀၀၉)ခုနှစ်တွင် ကျောင်းဒကာကြီး ဦးလှကြည် + ကျောင်းဒကာမကြီး ဒေါ်အေးအေးသွယ် မိသားစုတို့က ပင်မအလှူရှင်အဖြစ် အဓိက လိုအပ်သော ဓမ္မာရုံကြီး၊ သိမ်၊ ဆွမ်းစား (ဘောဇန)ဆောင်၊ အမျိုးသား ယောဂီဆောင်၊ အမျိုးသမီး ယောဂီဆောင်၊ ကျောင်းတွင်း လမ်းခင်းခြင်း စသည်တို့ကို ပြည့်စုံစွာ ဆောက်လုပ်လှူဒါန်းခဲ့ပြီး (၂၀၁၀)ခုနှစ် သင်္ကြန်တွင်းကာလမှ စတင်၍ မိုးကုတ်ရိပ်သာ (၁၀) ရက်တရားစခန်းကို အောင်မြင်စွာဖွင့်လှစ်နိုင်ခဲ့ပါသည်။ ထို့နောက်တွင် (၁၀) ရက်၊ (၇)ရက် တရားစခန်းများကို အခါအားလျော်စွာ ဖွင့်လှစ်လာခဲ့ရာ ယခုအချိန်အထိ (၁၀)ရက်တရားစခန်းပေါင်း (၆) ကြိမ်၊ (၇)ရက်တရားစခန်းပေါင်း (၂)ကြိမ်တိတိ အောင်မြင်စွာဖွင့်လှစ်ပေးနိုင်ခဲ့ပြီ ဖြစ်သည်။ (၂၀၁၂)ခုနှစ် သင်္ကြန် (၁၀) ရက်တရားစခန်းပြီးသည်မှ နောက်ပိုင်း၌ (၁၀)ရက်အစား (၇)ရက်တရားစခန်းအဖြစ်ပြောင်းရွှေ့ပြီး နှစ်လတစ်ကြိမ် ပုံမှန်ဖွင့်လှစ်နိုင်အောင် ကြိုးစား၍ ဖွင့်လှစ်ခဲ့ရာ အဆင်ပြေချောမောအောင်မြင်စွာ ဖွင့်လှစ်နိုင်ခဲ့ပါသည်။ န၀မအကြိမ်တရားစခန်းကို (၂၁-၁၀-၂၀၁၂)ရက်နေ့မှ (၂၇-၁၀-၂၀၁၂)ရက်နေ့အထိ ဆက်လက်ဖွင့်လှစ်မည်ဖြစ်ပါသည်။

နေ့စဉ်အာစိဏ္ဏကံ တရားစခန်းများကိုလည်း အများပြည်သူတို့အတွက် ပုံမှန်ဖွင့်လှစ်ပေးထားပြီး နေ့စဉ် နေ့ (၁း၃၀)နာရီမှ (၂း၃၀)နာရီအထိ ဓမ္မကထိကတစ်ပါးပါးက သစ္စာတရားဟောကြားပေးလျက်ရှိပြီး (၃း၀၀)နာရီမှ (၄း၀၀)နာရီအထိမူ တရားထိုင်ကြရသည်။ နေ့စဉ် ပုံမှန်လာရောက်တရားထိုင်ကြသည့် ယောဂီ (၄၀) မှ (၅၀) ၀န်းကျင်အထိ ရှိသည်။ တနင်္ဂနွေနေ့တွင် ယောဂီပိုများလေ့ရှိပြီး ဥပုသ်နေ့တွင်မူ နံနက်တစ်ကြိမ်၊ နေ့ခင်းတစ်ကြိမ် တရားဓမ္မများ ဟောပြောပြသပေးသဖြင့် ဓမ္မာရုံကြီး မဆန့်လောက်အောင်ပင် ယောဂီများတစ်နေ့တစ်ခြား တိုးပွားလာနေသည်ကို တွေ့ရသည်။ ဒေါက်တာအရှင်ပါရမီသည် နေ့စဉ် ညနေ (၃း၀၀)နာရီမှ (၄း၀၀)နာရီအတွင်း ယောဂီများတရားထိုင်နေစဉ် အလုပ်ပေးတရားကို ပုံမှန်၊ အားလျှင် အားသလို ဟောကြားပေးလေ့ရှိသည်။ ဥပုသ်နေ့တွင် အနဲဆုံးတစ်ကြိမ်ခန့် သစ္စာတရားတော်များကိုလည်း ဟောကြားပေးသည်။ ကျန်တဲ့အချိန်များတွင် ညီတော်ဓမ္မကထိကများမှ သင့်သလို ဟောကြားပြသပေးလျက်ရှိသဖြင့် ဓမ္မအောင်လံ လွှင့်ထူထားဘိသကဲ့သို့လည်းကောင်း၊ တရားစည်ကြီး မြည်ဟီးရိုက်တီးနေသကဲ့သိုလ်လည်းကောင်း ထင်မှတ်ရပါသည်။ ထိုသို့ဖြင့် ဓမ္မအသံများ လျှံဝေလျက်ရှိသည့် မြန်မာပြည်တွင် တစ်ခုတည်းသောနေရာမှာ မြကျွန်းသာမိုးကုတ်ရိပ်သာ ဖြစ်လာခဲ့ရပေသည်။

ဒေါက်တာအရှင်ပါရမီသည် မိုးကုတ်ဆရာတော်ဘုရားကြီး၏ တရားတော်များပြန့်ပွားရေးအတွက် စိတ်ရောကိုယ်ပါနှစ်မြှုပ်ထားပြီး ပင်ပန်းမှုကို ပဓာနမထားဘဲ ကြိုးစားအားထုတ်လျက် ရှိသဖြင့် ယခုကဲ့သို့ အချိန်တိုတိုအတွင်းမှာပင် ချက်ချင်းဆိုသလို ပေါက်မြောက်အောင်မြင်လာခဲ့ခြင်းဖြစ်ပါသည်။ မိုးကုတ်ဆရာတော်၏ တရားတော်များ ပြန့်ပွားရေးသည် သူ့ဘ၀ပေးတာဝန်တစ်ခုအဖြစ် ခံယူလျက်၊ ဆရာတော်ဘုရားကြီး၏ တန်ဖိုးမဖြတ်နိုင်သည့်တရားတော်များကို လူသားတို့ရင်ထဲ ရောက်စေလို၊ ရစေလိုသည့် ထက်သန်သော စေတနာဖြင့် မိုးကုတ်ရိပ်သာကို တည်ထောင်ဖွင့်လှစ်ခဲ့သည့် ဆရာတော်၏ ရည်ရွယ်ချက်မှာလည်း အလွန်အင်မတန်မှ မွန်မြတ်လှပေသည်။

ယင်းသို့ ယောဂီဦးရေ တစ်နှစ်တစ်ခြား တိုးတက်များပြားလာလျက်ရှိသဖြင့် တရားစခန်းတွင်းတွင် ယောဂီများနေရာထိုင်ခင်း အဆင်ပြေစေရန်အတွက် မြကျွန်းသာမိုးကုတ်ရိပ်သာ သာသနာ့နုဂ္ဂဟ အကျိုးဆောင်အဖွဲ့မှလည်း သုံးထပ်ယောဂီကျောင်းဆောင်ကြီးတစ်ဆောင်ကို လျှင်မြန်စွာ ပြီးစီးနိုင်စေရန် အများကောင်းမှုဖြင့် ကြိုးပမ်းတည်ဆောက်လျက်ရှိသည်။ ယခုဆိုလျှင် ပုံတွင် မြင်ရသည့်အတိုင်း အပေါ်ဆုံးအထပ်အထိရောက်ရှိနေပြီဖြစ်သည်။ အလှူရှင်များလျှင် မြန်မြန်ပြီးမည်ဖြစ်ပြီး အလှူရှင်ကြဲလျှင်မူ ကြံ့ကြာနေဦးမည်ဖြစ်သဖြင့် အလှူရှင် စေတနာရှင်များအား အထူးဖိတ်ခေါ်ပါသည်။

ဆောက်လုပ်ဆဲသုံးထပ်ယောဂီကျောင်းဆောင်ကြီးအတွက်ဖြစ်စေ၊ ရေကာတာအုတ်တံတိုင်းတည်ဆောက်ရေးလုပ်ငန်းအတွက်ဖြစ်စေ၊ ထာဝရဆွမ်းပဒေသာပင်အတွက်ဖြစ်စေ၊ ထာဝရဆေးပဒေသာပင်အတွက်ဖြစ်စေ၊ ထာဝရ ရေမီးပဒေသာပင်အတွက်ဖြစ်စေ စေတနာ သဒ္ဓါအလျောက် လှူဒါန်းလိုပါက ဤ၀က်ဘ်ဆိုက်ပါ Donate Box တွင်လည်းကောင်း၊ လူကိုယ်တိုင်လာရောက်၍သော်လည်းကောင်း လှူဒါန်းနိုင်ကြောင်း သတင်းကောင်းပါးအပ်ပါသည်။

သာသနာ့နုဂ္ဂဟအကျိုးဆောင်အဖွဲ့

မြကျွန်းသာမိုးကုတ်ရိပ်သာ (တရားစဉ်နှင့်လုပ်ငန်းခွင်ပြန့်ပွားရေးဌာန)

ကျေးဇူးရှင်အဂ္ဂမဟာပဏ္ဍိတ မိုးကုတ်ဆရာတော်ဘုရားကြီး၏ တရားဌာန

ရတနာကျွန်းရိပ်သာ၊ သုနန္ဒာလမ်း၊ (ဋ) ရပ်ကွက်၊ မြောက်ဥက္ကလာပမြို့နယ်၊ ရန်ကုန်တိုင်းဒေသကြီး

ဖုန်း- 01-691553

095504156

Leave a Reply