တိတ္ထိဆရာကြီး (၆)ယောက်

0

ဗုဒ္ဓလက်ထက်တော်အခါက ဗုဒ္ဓနှင့်ခေတ်ပြိုင် တိတ္ထိဆရာကြီး ခြောက်ယောက် ပေါ်ပေါက်ခဲ့ဘူး၏။ ဗုဒ္ဓနှင့်ခေတ်ပြိုင်ဟု ဆိုရသော်လည်း ယင်းတို့သည် ဗုဒ္ဓ၏အရင်ကပင် ကြိုတင်၍ ဘုရားဟု ၀န်ခံလျက် လူသူပရိသတ်အများခြံရံကျော်ဇောလျက် ရှိနေကြသူများဖြစ်၏။ ဗုဒ္ဓမပွင့်ပေါ်မီကာလ အစောပိုင်းကတည်းက လောကမှာ ဘုရားပွင့်မည်ဟု ကောလဟလများထွက်ပေါ်လျက်ရှိနေသဖြင့် ယင်းကောလဟလများ နောက်ခံထားလျက် ဘုရားအဖြစ် ၀န်ခံကာ ဟောပြောပို့ချ အယူဝါဒတို့ကို ဖြန့်ချိနေကြသူများဖြစ်၏။ ယင်းခြောက်ယောက်တို့မှာ ပူရဏကဿပ၊ မက္ခလိဂေါသာလ၊ အဇိတကေသကမ္ဗလ၊ ပကုဓကစ္စာယန၊ နိဂဏ္ဍနာဋပုတ္တ၊ သဉ္စယဗေလဋ္ဌပုတ္တ တို့ဖြစ်ကြ၏။ ဘုရားမပွင့်မီကာလက ဗုဒ္ဓဂုဏ် တစ်စုံတစ်ရာ မရှိပါဘဲလျက် ဘုရားဟု ၀န်ခံလျက် ဘုရားတုလုပ်နေကြသူများပင် ဖြစ်ပါ၏။ ထိုဘုရားတုတို့ ဟောပြောသမျှသည်လည်း တရားတုများသာ ဖြစ်ပါ၏။ ထိုဘုရားတုတို့၏ တပည့်သာဝကအဆက်ဆက်တို့သည်လည်း သံဃာတုတို့သာ ဖြစ်ပါ၏။ မှန်ပါ၏။ အစစ်အမှန်နှင့် အတုအပတို့မည်သည် လောက၌ ဒွန်တွဲလျက်ရှိရိုးဖြစ်၏။ အစစ်ပေါ်ပြီးမှ အတုပေါ်သည်လည်း ရှိတတ်၏။ အစစ်မပေါ်မီ အတုပေါ်သည်လည်း ရှိတတ်၏။ အတုအစစ် တစ်ပြိုင်နက်ပေါ်သည်လည်း ရှိတတ်၏။ ယခုဖြစ်စဉ်မှာမူ အစစ်မပေါ်မီ အတုက ကြိုတင်ပေါ်နေခြင်းမျိုးဖြစ်ပါ၏။

ပူရဏကဿပဆိုသူသည် ကောင်းမှုပြုသော်လည်း ကောင်းမှုမမည် (နတ္ထိ ပုညံ နတ္ထိ ပုညဿ အာဂေမော)၊ မကောင်းမှုပြုသော်လည်း မကောင်းမှုမမည်။ (နတ္ထိ ပါပံ၊ နတ္ထိ ပါပဿ အာဂမော)။ ကောင်းမှု မကောင်းမှု ဘယ်ဟာကို ပြုပြု၊ ပြုရာမရောက်ဟု အကြောင်းကိုပယ်ချလျက် ဟောပြေပို့ချ သင်ပြနေလျက်ရှိ၏။ အကြိယ၀ါဒဒိဋ္ဌိဟု ဆိုရ၏။ အကြောင်းပယ်၊ ကံပယ်အယူအဆဖြစ်၏။ (ကရောတော န ကရီယတိ ပါပံ)။ သတ်ခြင်း မသတ်ခြင်း ခိုးခြင်း မခိုးခြင်း စသည်သည် ကံမမြောက်ဟု ဟောပြောလေ့ရှိ၏။

မက္ခလိဂေါသာလကမူ သတ္တ၀ါတို့ ကိလေသာဖြင့် ညစ်နွမ်းကြောင်း၊ စင်ကြယ်ကြောင်း အကြောင်းတရားတို့မည်သည် မရှိ။ (အဟေတူ အပစ္စယာ သတ္တာ သံကိလိဿန္တိ၊ အဟေတူ အပစ္စယာ သတ္တာ ၀ိသုဇ္ဈန္တိ)။ ကမ္ဘာ (ကပ္ပ) ရှစ်သန်းလေးသိန်းပြည့်လျှင် အလိုလို စင်ကြယ်သွားမည်သာဖြစ်၏။ အထူးလုံ့လပြု အားထုတ်နေစရာ အကြောင်းမရှိ။ ဥပမာအားဖြင့် တောင်ပေါ်မှနေ အပ်ချည်လုံးတစ်လုံးကို အောက်သို့ ကြိုးစဆွဲပြီး လှိမ့်ချလိုက်လျှင် အပ်ချည်လုံးသည် ကြိုးတစ်ဆုံးအထ်ိသာ ပြေးလေ့ရှိ၏။ ထို့ထက်လွန်၍ မပြေးနိုင်တော့၊ ထို့ထက်လွန်၍ မလိမ့်နိုင်တော့။ ထို့အတူပင် ကမ္ဘာပေါင်း ရှစ်သန်းလေးသိန်းပြည့်လျှင် သတ္တ၀ါတို့သည်လည်း ရှေ့သို့ ဆက်လက်၍ မဖြစ်နိုင်တော့၊ အလိုလိုဆုံးလျှင် ရပ်ရရိုးသာရှိ၏။ အလိုလို စင်ကြယ်သွားမည်၊ သံသရာမှ လွတ်မြောက်သွားမည်ဟုသာ ဟောပြောလေ့ရှိ၏။ အကြိယဒိဋ္ဌိအမျိုးအစားပင်ဖြစ်၏။

အဇိတကေသကမ္ဗလကမူ နတ္ထိအယူဝါဒ (၁၀)ချက် ကိုင်စွဲထားသူဖြစ်၏။

(၁) နတ္ထိ ဒိန္နံ- ပေးလှူခြင်းဖြင့် အကျိုးမရှိ။

(၂) နတ္ထိ ယိဋ္ဌံ- အမြတ်တနိုး ပူဇော်ပသခြင်းဖြင့် အကျိုးမရှိ။

(၃) နတ္ထိ ဟုတံ- လက်ဆောင်ပေးခြင်းဖြင့် အကျိုးမရှိ။

(၄) နတ္ထိ သုကတဒုက္ကဋာနံ ကမ္မာနံ ဖလံ ၀ိပါကော- ကောင်းမှုမကောင်းမှု ကံတို့၏ အကျိုးသည်မရှိ။

(၅) နတ္ထိ အယံ လောကော- ယခုလောက ပစ္စုပ္ပန်ဘ၀ မရှိ။

(၆) နတ္ထ ပရော လောကော- တမလွန်လောက နောင်ဘ၀မရှိ။

(၇) နတ္ထိ မာတာ- အမေဆိုတာ မရှိ။

(၈) နတ္ထိ ပိတာ- အဖေဆိုတာ မရှိ။

(၉) နတ္ထိ သတ္တာ သြပပါတိကာ- ယခုဘ၀ကနေ နောက်ဘ၀ ပြန်ဖြစ်သည့် သတ္တ၀ါဆိုတာ မရှိ။

(၁၀) နတ္ထိ လောကေ သမဏဗြာဟ္မဏာ- လောက၌ သမဏ ဗြာဟ္မဏတို့မည်သည် မရှိ။ ဤသို့ အကြောင်းမရှိ အကျိုးမရှိဟု အဟေတုကဒိဋ္ဌိအယူကို စွဲကိုင်ထားသူဖြစ်၏။ အကြောင်းလက်မခံသည် အကိရိယဒိဋ္ဌိလည်း ရောလျက်ရှိ၏။ အကျိုးလက်မခံသည့် နတ္ထိကဒိဋ္ဌိလည်း ရောလျက်ရှိ၏။ ဟောသမျှ ပြောသမျှ ဒိဋ္ဌိအယူဝါဒတို့သာ ဖြစ်ချေ၏။ ထို့ကြောင့် ဟောတိုင်းလည်း တရားမဟုတ်၊ မတရားလည်း ဖြစ်နေတတ်သေး၏။ တရားဟောရင်းဖြင့် မတရားသည့် အဓမ္မ မိစ္ဆာဒိဋ္ဌိအယူဝါဒတွေကို တွင်တွင်ကျယ်ကျယ်ဟောပြောနေလျက်သား ဖြစ်နေပါမူ မတရားဟောခြင်းဟု ဆိုရ၏။

ပကုဓကစ္စာယနကမူ လောက၌ သတ္တ၀ါဟူသည်မရှိ။ ဓာတ်ကြီး (၇)ပါးတို့၏ အပေါင်းအစုမျှသာ ရှိ၏။ ယင်းဓာတ်ပေါင်း (၇)ပါးမှာ ပထ၀ီ၊ အာပေါ၊ တေဇော၊ ၀ါယော၊ သုခ၊ ဒုက္ခ၊ ဇီဝတို့သာဖြစ်ပါ၏။ ယင်းအပေါင်းအစုကိုပင် သတ္တ၀ါဟု ဆိုကြ၏။ တစ်ယောက်နှင့်တစ်ယောက် ထက်လှစွာသောဓားဖြင့် ခေါင်းဖြတ်၍ပင် သတ်စေကာမူ သတ်ရာမရောက်၊ ဓာတ်(၇)ပါးအတွင်း အခြားဓာတ်(၇)ပါး ရောစပ်သွားခြင်းမျှသာဖြစ်ပါ၏။ (သတ္တန္နံတွေဝ ကာယမန္တရေန သတ္ထံ ၀ိဝရမနုပတတိ)။ အကြောင်း အကျိုးနှစ်မျိုးလုံးကို ပယ်သည့် ဒိဋ္ဌိအယူဝါဒသာဖြစ်ပါ၏။

နိဂဏ္ဍနာဋပုတ္တကမူ စောင့်စည်းခြင်းလေးမျိုး (စာတုယာမသံဝရ)ကို ဟောပြောလေ့ရှိ၏။ ယနေ့ခေတ် အိန္ဒိယတွင် ကိုးကွယ်ယုံကြည်လျက်ရှိသော ဂျိန်းဝါဒသည် နိဂဏ္ဍနာဋပုတ္တ၏ အယူဝါဒများသာဖြစ်ပါ၏။ နိဂဏ္ဍကို ဇိန- ဘုရားဟု ထင်မြင်ယူဆ ကိုးကွယ်ကြ၏။ ဇိနမှ ဂျိန၊ ဂျိန မှ ဂျိန်းဟု ပြောင်းလဲလာခြင်းဖြစ်၏။ သို့ဖြစ်၍ ယနေ့ခေတ်ဂျိန်းဘာသာသည် နိဂဏ္ဍနာဋပုတ္တ၏ ၀ါဒကို လက်ခံယုံကြည်နေကြသော ဘာသာဝင်များဖြစ်၏။ ဂျိန်းဝါဒသည် အဟိံသ၀ါဒအခြေခံထား၏။ သက်ရှိမှန်သမျှအား မညှင်းဆဲသည့်အယူဝါဒဖြစ်၏။ ၎င်းတို့အယူအဆ သက်ရှိဆိုရာတွင် သစ်ပင်တောတောင်ရေမြေမှအစ သတ္တ၀ါအဆုံး သက်ရှိဟု ယူဆလျက် ရေကိုလည်း မကြိုမချက် အစိမ်းကိုသာသောက်လေ့ရှိ၏။ ရေကို ကြိုချက်ပါက ရေအသက်သေမည်စိုးသောကြောင့်ဖြစ်၏။ သစ်ပင်ကိုလည်း မခုတ်မဖြတ်၊ မြေကိုလည်း မတူးမဆ၊ သတ္တ၀ါတို့ကိုလည်း မသတ်မဖြတ်သည့် အယူဝါဒဖြစ်၏။ ခြိုးခြံခေါင်းပါးသည့်အကျင့်ကိုလည်း ကျင့်လေ့ရှိ၏။ ဂျိန်းဘုန်းကြီးတို့သည် အ၀တ်ကို ၀တ်လေ့မရှိ။ အ၀တ်အစားအတွက် ခြိုးခြံခြင်းဖြစ်၏။ ယင်းသို့ လူစင်စစ်ဖြစ်ပါလျက် တိရစ္ဆာန်ဇာတ် ပြန်ခင်းခြင်း ဖြစ်၏။ အကောင်းအဆိုး ဒွန်တွဲရောယှက်နေသောဝါဒဖြစ်၏။

သဉ္စယဗေလဋ္ဌပုတ္တကမူ ဒီဘ၀ရှိသလား၊ မရှိဘူးလား၊ နောက်ဘ၀ရှိသလား၊ မရှိဘူးလား စသည်မေးလာလျှင် ရှိသည်ဟုလည်း ငါမဖြေ၊ မရှိဟုလည်း ငါမဖြေ စသည်ဖြင့် ဇဝေဇ၀ါပြောဟောလေ့ရှိသူဖြစ်၏။ ရေရေရာရာ မရှိသော အယူဝါဒ အမရာဝါက္ခေပဒိဋ္ဌိမျိုးဖြစ်၏။

ယင်းသို့ ဗုဒ္ဓမပွင့်မီနှင့် ဗုဒ္ဓနှင့်ခေတ်ပြိုင် ပေါ်ထွန်းခဲ့ကြသော မိစ္ဆာဒိဋ္ဌိအခြေခံလျက် ယူဆဟောပြောခဲ့ကြသော တိတ္ထိဆရာကြီးခြောက်ဦးသည် သူ့ပရိသတ်နှင့်သူ ထင်ပေါ်ကျော်ကြားခဲ့ကြသူများ ဖြစ်၏။ ဗုဒ္ဓပွင့်တော်မူလာမှသာလျှင် ၎င်းတို့၏ ဂုဏ်သိမ်၊ အရောင်မှိန်၊ ပရိသတ်တွေနည်းလာပြီး အချို့အယူဝါဒများ ပျောက်ဆုံးလျက် အစတုံးခဲ့ရ၏။ သို့သော် ယနေ့ခေတ်ထိ မပျက်မသုံး လိုက်နာကျင့်သုံးလျက်ရှိနေသေးသည့် ၀ါဒမှာ ဂျိန်းဝါဒတစ်ခုသာ ရှိတော့၏။

ဒေါက်တာအရှင်ပါရမီ

Leave a Reply