ဗုဒ္ဓဘာသာကို နားလည်ကြည့်ခြင်း (၃)

2

ဘုရားစာရွတ်ဖတ်ခြင်း၊ ရှိခိုးခြင်း၊ ပူဇော်ခြင်း၊ ပုတီးစိပ်ခြင်း၊ ဂုဏ်တော် ပွားခြင်း စသည်ဖြင့် ဗုဒ္ဓဘာသာဝင်တို့ သာမာန်နေ့စဉ်ဘ၀တွင် ကျင့်သုံး နေကြသည့် အလေ့အကျင့်များကို ကုသိုလ်တော့ ရသည်၊ နိဗ္ဗာန်မရဟုဆိုကာ ကပျက်ကချော် ပြောဟောသွန်သင် နေကြသော ဓမ္မကထိက များလည်း ယနေ့ခေတ်တွင် တော်တော်ထွန်းကား ရေပန်းစားလျက် လူကြိုက်များ နေကြတာ တွေ့ရပါတယ်။ ဗုဒ္ဓဘာသာကို လေ့လာဆန်းစစ်မယ် ဆိုရင် ကောင်းမြတ်တဲ့ အလေ့အကျင့်တွေဟာလည်း တစ်ဖက်တစ်လမ်းမှ အနှစ်သာရအနေဖြင့် တည်ရှိနေတာကို တွေ့ရပါတယ်။ ဘုရားစာ ရွတ်ဖတ်တာဟာ ကိုယ်နားမလည် ပေမယ့် စေတနာကောင်းကောင်းဖြင့် ရွတ်ဖတ်မယ် ဆိုရင် ကောင်းကျိုး တွေပေးနေတာပါပဲ။ ဘုရားရှင်ကို သိကြားမင်းက ဂါထာနဲ့ရွတ်ဖတ် ပူဇော်တာတွေ၊ အရှင်သောဏမထေရ်ကို ဘုရားရှင်က အရွတ်အဖတ်ကောင်းလို့ ကောင်းချီးပေးခဲ့တာတွေ၊ ဖားနတ်သားဟာ ပဌာန်းသံကို နားမလည်ပါပဲလျက် နားထောင်ကောင်း၍ နားထောင်နေစဉ် နွားကျောင်းသား တုတ်ဖြင့်ထောက်မိ၍ သေသွားတော့ နတ်ပြည်မှာ ဖားနတ်သားဖြစ်သွားတဲ့ သာဓက၊ လင်းနို့သားငါးရာ ရဟန်းတွေရွတ်တဲ့ပဌာန်းတရားကို အမြဲ နားထောင်နေခဲ့ရတဲ့ ကျေးဇူးကြောင့် ဒီဘုရားရှင်လက်ထက် အရှင်သာရိပုတ္တရာထံမှ ပဌာန်းတရားနာကြားရပြီး ရဟန္တာဖြစ်သွားတာတွေ စသည်ဖြင့် သာဓကတွေများစွာ ရှိပါတယ်။ နန္ဒမင်းသားမှ ရဟန်းဖြစ်လာသော အရှင်နန္ဒဟာလည်း နတ်သမီးရချင်လို့ ဘုရားပေးတဲ့ဂါထာ ရွတ်နေရင်းနဲ့ ရဟန္တာဖြစ်သွားခဲ့တာ အထင်အရှားပါပဲ။ ကိုယ်နှစ်သက်တဲ့ပါဠိတော်တွေ ပဌာန်းဖြစ်စေ၊ ဓမ္မစကြာဖြစ်စေ၊ ပရိတ်ဖြစ်စေပေါ့။ ရွတ်ဆိုခြင်းဟာ နားပင်မလည်သော်လည်း အကျိုးမယုတ်ပါဘူး။ ဘုရားရှင်ရဲ့နှုတ်တော်ထွက်စကားတော်တွေ ဖြစ်တာကြောင့် ဘုရားရှင်ရဲ့ အသံတော်တွေ ကိုယ့်သန္တာန်မှာ ကိန်းအောင်းလာတာပေါ့။ ကိုယ့်သန္တာန်ဟာ ဘုရားလည်း ကိန်း၊ တရားလည်းကိန်းတော့ မြင့်မြတ်တဲ့ အသွင်သို့ ကူးပြောင်းလာတာပါ။ ပြောချင်တာက ရွတ်ဖတ်ခြင်း၊ ပူဇော်ခြင်းဖြင့်လည်း ကောင်းကျိုးရတယ်၊ ဆိုးကျိုးမဖြစ်ဘူးဆိုတာပါ။ ပြီးတော့ ရွတ်ဖတ်တာဟာ ဗုဒ္ဓဘာသာဝင်တို့ရဲ့ အစဉ်အလာ တစ်ရပ်လည်း ဖြစ်တယ်ဆိုတာပါပဲ။ ဒါကို နိဗ္ဓာန်ရောက်ကြောင်းမဟုတ်လို့ မလုပ်သင့်ဘူးလို့ ပယ်လိုက်မယ်ဆိုရင် ကောင်းမြတ်တဲ့ ဗုဒ္ဓဘာသာရဲ့ အစဉ်အလာတွေ ကျိုးပဲ့ပျက်စီး သွားတော့မယ်လေ။

ရှိခိုးခြင်း၊ ဦးချခြင်း၊ ပူဇော်ခြင်း၊ အရိုအသေပေးခြင်းဆိုတာဟာ ဗုဒ္ဓဘာသာရဲ့ ချစ်စရာကောင်းတဲ့ ယဉ်ကျေးမှုတွေပါ။ ဘုရား၊ ပုထိုး၊ စေတီ၊ ဆင်းတု စသည်ကိုတွေ့လျှင် မိမိတို့နားလည်သည့်ဘာသာနဲ့ ရှိခိုးမယ်၊ ဂုဏ်တော်ပါဠိရွတ်ဆို ရှိခိုးမယ်ဆိုရင် ယဉ်ကျေးမှုရှိတဲ့ ဗုဒ္ဓဘာသာဝင်တစ်ယောက်ဖြစ်ပြီပေါ့။ ဆွမ်းတော်ကပ်မယ်၊ ရေတော်ကပ်မယ်၊ ဆီမီးနဲ့ပူဇော်မယ်ဆိုရင် ဗုဒ္ဓကို ရိုသေရာရောက်ပါတယ်။ လေးစားရာလည်း ရောက်ပါတယ်။ ကြည်ညိုရာလည်း ရောက်ပါတယ်။ ကိုးကွယ်ရာလည်း ရောက်ပါတယ်။ ရဟန်းတော်တွေတွေ့တော့လည်း လက်အုပ်ချီသင့်တဲ့နေရာမှာ လက်အုပ်ချီ၊ ဦးချသင့်တဲ့နေရာမှာ ဦးချ၊ ပူဇော်သင့်တဲ့နေရာမှာ ပူဇော်၊ သက်ကြီးရွယ်အို၊ ဆရာသမား၊ ဘိုးဘွားမိဘ စသည်တို့အပေါ်မှာလည်း ရှိခိုးခြင်း၊ လက်အုပ်ချီခြင်း၊ အရိုအသေပေးခြင်းဟာ ဗုဒ္ဓဘာသာယဉ်ကျေးမှု အစစ်ဖြစ်ပါတယ်။ ရိုသေခြင်း၊ ကိုင်းညွတ်ခြင်းဖြင့် ဂုဏ်မသိမ်ပါဘူး၊ ဗုဒ္ဓဘာသာယဉ်ကျေးမှုလိုက်နာသူဖြစ်လို့ ဂုဏ်ပင်တက်ပါတယ်။ လူချစ်လူခင် ပေါလာမယ်၊ ရိုသေလေးစားသူတွေ များလာမယ်။ တကယ်လိုက်နာကြည့်လျှင် တကယ်လက်တွေ့ ရရှိနိုင်တဲ့အကျိုးတရားတွေပါ။ ဒီယဉ်ကျေးမှုတွေကို နိဗ္ဓာန်ရောက်ကြောင်းမဟုတ်လို့သာ ပယ်လိုက်ကြမယ်ဆိုရင် ဗုဒ္ဓဘာသာဟာ ယဉ်ကျေးမှုကင်းမဲ့တဲ့ ဘာသာတစ်ရပ်အဖြစ် ပြောင်းလဲသွားပါလိမ့်မယ်။

ပုတီးစိပ်တာကိုလည်း အပြင်းအထန် ကန့်ကွက်တဲ့ ဓမ္မကထိကလေသံတွေ မိုးလျှံနေအောင် ကြားခဲ့ရပါတယ်။ ထေရ၀ါဒမဟုတ်ဘူး၊ မဟာယာနကလာတာ၊ ဟိန္ဒူဝါဒကလာတာ စသည်ဖြင့်ပေါ့။ ဘယ်ကလာသည်ဖြစ်စေ သူ့ရဲ့ အကျိုးဆက်ကိုကြည့်လိုက်တော့ ဆိုးကျိုးမရှိပါဘူး။ ပုတီးတစ်လုံး ဂုဏ်တော်တစ်ချက်ပွားနေမယ်၊ ပုတီးတစ်လုံး ဂါထာတစ်ပုဒ်ရွတ်နေမယ်၊ ပုတီးတစ်လုံး ပဌာန်းတစ်ချက် စိပ်နေမယ်ဆိုရင် ပုတီးနဲ့မှတ်ပြီး ကုသိုလ်တွေ ပွားနေတာဖြစ်တော့ ကောင်းကျိုးပဲ တွေ့ရပါတယ်။ ဆိုးကျိုး ဆိုးပြစ် ဘာတစ်ခုမှ မတွေ့ရပါဘူး။ ဂုဏ်တော်ပွားတာ ကိုယ်နားမလည်တဲ့ ပါဠိတွေရွတ်နေတာ၊ ပါဠိဆိုတာ ကုလားစကားတွေဆိုပြီး အရိုအသေ တန်အောင် ပေါ့လျော့သွားအောင် ပြောဟောနေကြတာတွေလဲ ကြားရပါရဲ့။ ပါဠိကို ဘုရားဟောတဲ့စကားဖြစ်လို့ ဘုရားစကား၊ ဘုရားစာလို့သာ မှတ်ထားလိုက်မယ်ဆိုရင် ဘုရားကို ပိုမိုကြည်ညိုလာမှာပဲ။ ဘုရားက ကုလားဖြစ်တော့ ကုလားစကားနဲ့ပဲ ဟောမှာပေါ့။ ပုတီးစိပ်တာဟာ မည်သည့်ဝါဒမှ ယူသုံးထားသည်ဖြစ်စေ ဗုဒ္ဓဘာသာတို့ရဲ့ အလေ့အကျင့်ဖြစ်လာခဲ့ပြီမို့ ဗုဒ္ဓဘာသာတို့ရဲ့ ဓလေ့ထုံးစံတစ်ရပ်အဖြစ်နဲ့သာ လက်ခံလိုက်စမ်းပါ။ ပုတီးစိပ်ခြင်း ဖြင့်လည်း စိတ်ကို ထိန်းနိုင်သလို သမာဓိကိုလည်း အထိုက်အလျောက် ထူထောင်လို့ရပါတယ်။

ဗုဒ္ဓဘာသာချင်းတူပေမယ့် တစ်နိုင်ငံနဲ့ တစ်နိုင်ငံ ယဉ်ကျေးမှုချင်း၊ အစဉ်အလာချင်း၊ ဓလေ့ထုံးစံချင်တော့ တူချင်မှတူပါလိမ့်မယ်။ မြန်မာပြည်ရောက်လာတဲ့ ဗုဒ္ဓဘာသာသည် မြန်မာလူမျိုးတို့နဲ့ သဟဇာတဖြစ်တဲ့ ဗုဒ္ဓဘာသာ ဖြစ်လာတယ်။ မြန်မာလူမျိုးတို့ရဲ့ ယဉ်ကျေးမှု၊ အစဉ်အလာ၊ ဓလေ့ထုံးစံနဲ့ ရောနှောပေါင်းစပ် သွားတဲ့အခါကျတော့ ခွဲခြားလို့မရတော့ပါဘူး။ ဒီအတိုင်းပဲ ထိုင်းရောက်တဲ့ဗုဒ္ဓဘာသာက ထိုင်းလူမျိုးတွေနဲ့ သဟဇာတဖြစ်တဲ့ ဗုဒ္ဓဘာသာဖြစ်နေပြီး ထိုင်းယဉ်ကျေးမှု အစဉ်အလာ ဓလေ့ထုံးစံတို့နဲ့ ရောနှောပေါင်းစပ် သွားတာပါပဲ။ ဗုဒ္ဓဘာသာရဲ့ အနှစ်သာရတွေ အခြေခံပြီး ကိုယ့်နိုင်ငံ ကိုယ့်လူမျိုးနဲ့ ကိုက်ညီတဲ့ ယဉ်ကျေးမှု အစဉ်အလာ ဓလေ့ထုံးစံတွေကို ရှေးရှေးခေတ်ကာလကပင် လေ့ကျင့်လိုက်စားလာခဲ့ကြတော့ ဒီနေ့ခေတ်မှာ ဆိုရင် ဘာသာယဉ်ကျေးမှုနဲ့ နိုင်ငံယဉ်ကျေးမှု ခွဲခြားလို့တောင် မရတော့လောက်အောင် ပေါင်းစပ်နေတာ တွေ့နိုင်ပါတယ်။ မည်သို့ပင် ရောနှောပေါင်းစပ်လို့နေသော်လည်း တူညီချက်တစ်ခုတော့ ရှိမြဲဖြစ်ပါတယ်။ အဲဒါ ဘာလဲဆိုရင် ဘုရား တရား သံဃာအရိပ်အောက်က ယဉ်ကျေးမှု အစဉ်အလာ ဓလေ့ထုံးစံဖြစ်နေတာပါပဲ။

ဗုဒ္ဓဘာသာမှာ ယဉ်ကျေးမှုရယ်၊ အစဉ်အလာရယ်၊ ဓလေ့ထုံးစံရယ် ဒီသုံးမျိုးကို ပယ်လိုက်မယ်ဆိုရင် အသွင်အပြင်မဲ့ ဘာသာတစ်ခုဖြစ်သွားပါလိမ့်မယ်။ ခရစ်ယန်မှာလည်း သူ့ဘာသာအလိုက် ယဉ်ကျေးမှု၊ အစဉ်အလာ၊ ဓလေ့ထုံးစံရှိသလို မွတ်ဆလင်မှာလည်း ရှိ၊ ဟိန္ဒူ စတဲ့အခြားဘာသာတွေမှာလည်း သူ့နည်းသူ့ဟန်နဲ့ ရှိနေကြတာပဲ။ ဒို့ဗုဒ္ဓဘာသာတွေက အသွင်အပြင်တွေခွါချလိုက်မယ်ဆိုရင် အ၀တ်မဲ့လူသားပမာ ဘာသာရဲ့ အလှတရားတွေ ပျောက်ဆုံးသွားနိုင်ပါတယ်။

Dr. V. Parami

  1. jitoohhtike
    jitoohhtike08-08-2011

    ဒီဆောင်းပါးကလေးကိုဖတ်ရင်း .ကျမ အတွေ့ ကြုံကလေးကိုသတိရမိပါတယ် ..ဘုရားတရားစလုပ်တော့ တကယ့် ကို လောဘရလိုစိတ်တွေနဲ့ ပါ..အခြားကြိုးစားရ်ရနိုင်တာမျိုးတွေအတွက်မဟုတ်ပဲ လူငယ်သဘော လိုချင်သည့်မေတ္တာရောင်ပြန်ဟပ်လိုစိတ်စောနဲ့ မေတ္တာသုတ်ကလေးကနေစမိပါတယ် ..တကယ့်မေတ္တာသုတ်ရွတ်ရကျိုးကလေး ကိလေသာအချစ်ကိုတောင် တဖြေးဖြေးကိုယ်တိုင်မေတ္တာဆန်အောင်ချစ်လာနိုင်တဲ့ အထိ ပေးဆပ်ချင်လာတဲံ အထိနူးညံ့ လာပါတယ် ..(ကလေးတုန်းကပါ)..အဲ့ တိကိလေသာအကုသလိုကလေးကြောင့်ကနေ တဖြေးဖြေးဘုရားနဲ့ အနေနီးလာခဲံပါတယ် ..(၀န်ခံပါတယ် အချစ်ကြောင့်ပါ) ..နောက်တော့တဖြေးဖြေးသောကပရိဒေ၀မီးတွေလောင်တော့တာပေါ့ ..မေတ္တာသုတ်ကလေးကနေ ပငှာန်းဖြစ်လာပါတော့တယ်အစကတော့ပျင်းတယ် အတိုလေးပဲ ရွတ်တယ် ..နောက်တော့ လိုချင်တာရလိုရညားအရှည်ကိုပါ ရွတ်လာတယ် ..နောက် ..နောက် ..အရမ်းကို အပူတွေအထွတ်ထိပ်လဲရောက်လာရော ..ပငှာန်းတရားကိုအလွတ်ရလာတဲ့ အထိကိုဖြစ်သွားခဲ့ ပါတယ် ..နောက်တော့ အရမ်းstrong ဖြစ်အစွန်းရောက်လွန်းတဲ့ အယူမှားနှလုံးသွင်းမှား ..၀တ်ကြွေးဆိုတာကြီးကို အသံတောင်မကြားဝံ့ လောက်အောင်ကြောက်လန့် နေမိရာက ဘာအဓိပ္ပာယ်မှမသိ ရွတ်နေမိခဲ့ တဲ့ ပငှာန်းတရားက အလိုလို ရွတ်နေရင် ကို စိတ်က အပူတွေလျော့လျော့လာတယ် ..လက်ဖျားကစာအုပ်မချမိလောက်အောင်ကို အိပ်ရင်လဲစာအုပ်ကလေးရင်ပိုက်ပြီးမှ တရေးနိုးးအတိတ်ဆိုးတွေလှန့်ရင်တောင်စာအုပ်ကလေးကို ထိတွေ့ လိုက်၇မှ ရင်ငြိမ်းရတဲ့ အထိပါ ..နောက် ..နောက်တော့လဲ ..အဲ့တိ အပူတွေကိုလကခံလာဖြစ်တယ် ..အကြောက်တရားတွေနည်းနည်းလာတယ် အတွေးတွေ ပြောင်းလဲလာတယ် ..စိတ်သက်သာလာဖို့ ကိုယ့်အတွေးတွေကနဲ့ တင်ကိုယ့်ကို သတ်ခဲ့ တဲ့ အနေထားတွေကနေကျော်လွန်လာနိုင်ခဲ့ တယ် ..အရမ်းအေးချမ်းရတော့ ပငှာန်ရဲ့ အနက်တွေသိလိုလာပြန်ရော ..ဒီတော့လက်လှန်းမှရာစာအုပ်တိုကလေးတွေလေ့လာနောက်တော့ အရှင်ဇနကာဘိဝံသရဲ ့ပငှာန်းကျမ်းကြီးကိုဖတ်ချင်လာတယ် ..စာအုပ်လက်ဆောင်လဲရလာတယ် ..ဖတ်ရင်းဖတ်ရင်း ပါငှိတွေဆိုပေမယ့် သေချာနည်းလည်အောင်ဖတ်လိုက်တာ ..ခန္ဓါ စက်လည်ပုံ ကစလို့ လူတွေ ဘာမဟုတ်တဲံ ကိလေသာတွေ မြတ်နိုးစွဲလန်းမှုတွေဆုံးရှုံးရင်နာနာကျဉ်ခဲ့ရခြင်းတွေနဲ့ ငါ အတော်မိုက်မဲခဲ့ ပါလား ..အသက်တောင် သေချင်လာတဲ့ အထိတွေးခဲ့ မိပါလားဆိုတာတွေ သိလာရတယ် ..တကယ့်မြတ်စွာဘုရားဆင်ခြင်တုံတရားအနှစ်ကိုလေ့လာခွင့်လိုက်လံစဉ်းစားတတ်သလောက်ဥာဏ်ရေကလေးနဲ့ ဆင်ခြင်စဉ်းစားမိလိုက်တော့ ..တကယ့်ကို ..ခုဆိုရင် ..အဲ့တိရွတ်ဖတ်ပွားများမိခြင်းတွေကနေ ..၀ိပသနာ ..စိတ်နှလုံးအေးအောင်လေ့ကျင့်ခြင်း အတွေးများ အပေါင်းဖက်ဆောင်လာခြင်း .. အို .. ရည်တွက်မကုန်နိုင်လောက်အောင် ..အကျိုးကြီးမားနေရပါပြီ .. တဖြေးဖြေးလည်း .ပိုပို အေးလာ ခဲ့ပါပြီ ..(အစွဲအလန်းအရမ်းကြီးမိခဲ့ ..အမှားတွေ နဲ့ အချိန်ကန်ုခဲ့ ပေမယ့် ..အချစ်ကြောင့်ပဲဒီတရားကိုတွေ့ ခဲ့ ကျင့်ခဲ့ ရလို့ ..အတိတ်ဆိုးတွေ ရဲ့ အလှဆုံးအချိန်ကို တွေးတိုင်းခံစား ..မျက်မှောက်ပြုနိုင်ခဲ့ ရပါပြီ ..ခံစားချက်ကလေးကို ..ရေးချရ် ..မြတ်ဘုရားအားပူဇော်ခဲ့ ပါသည် .._/\_)

  2. zawmoe
    zawmoe10-27-2012

    ပုတီး စိပ် ခြင်း ဟာ ဘုရား ရှင် ရဲ့ ကမ္မဌာန်း တရား အပါး(၄၀)တွင် ပါ သည် ဟု ထင် မိ ပါ သည် ဘုရား။

Leave a Reply